News

KENNISGEWING: 10/1/2/1

DEERNIS- EN PENSIONARIS ONDERSTEUNINGSSUBSIDIE: 2026/2027 FINANSIËLE JAAR

Hiermee u in kennis te stel dat die deernishulp aansoek proses vir die 2026/2027 finansiële jaar om 04 Mei 2026 begin.

Kliente wie gedurende Mei 2026 aansoek doen, se aansoeke sal gedurende Junie 2026 prosesseer word. Indien u aansoek goedgekeur word sal u 50 gratis elektrisiteitseenhede en u korting op dienste in Julie 2026 allokeer word. Kliënte wie later aansoek doen se voordele sal later allokeer word.

Munisipale amptenare sal beskikbaar wees by die munisipale kantore in die onderskeie dorpe vanaf 04 Mei 2026 tussen 09h00 en 14h00 om die nodige aansoekvorms te voltooi.

Indien u reeds as ‘n deernis kliënt geregistreer is moet u egter weer aansoek doen vir die 2026/2027 finansiële jaar. Neem kennis dat pensioenarisse wie huiseienaars is (wat die kwalfiserende bedrag van R 7 000.00 oorskry) kwalifiseer om maandeliks 50 kw elektrisiteit en 6 kl water gratis te ontvang.

Die volgende dokumente word benodig:

1. Onlangse munisipale rekening van die huishouding;
2. ’n Gesertifiseerde afskrif van identiteitsdokument(e) van alle inwoners van die huishouding ouer as 18 jaar;
3. Bewys van inkomste (goedkeuringsbrief vir pensioen/ongeskiktheid van SASSA of ’n gesertifiseerde afskrif van ’n betaalstrokie of die jongste 3 maande se bankstate) of ’n beëdigde verklaring van die totale huishoudelike inkomste;
4. ’n Beëdigde verklaring indien werkloos.
5. Gesertifiseerde afskrif van die doodsertifikaat indien die eienaar van die eiendom oorlede is.
6. Beëdigde verklaring deur die eienaar dat die eiendom aan die aansoeker verhuur word.